- Durante as últimas semanas na clase de 1º de ESO coñeceron mellor o mundo exipcio e a súa aportación á historia da humanidade.
Dar protagonismo ao alumnado na súa aprendizaxe é un dos obxectivos da nova metodoloxía lasaliana, Nuevo Contexto de Aprendizaje (NCA). Esta metodoloxía aplícase en todos os niveis, infantil, primearia e tamén secundaria sendo proba diso a narrativa «Entre ríos» que acaba de finalizar en 1º ESO esta semana.
Como se descubriu o mundo exipcio? Como se construíron as pirámides? Como chegamos a saber que viviron, como se organizaron, que animais existían, como comezaron a escribir…?. Estas, e outras máis. foron algunhas das preguntas ás que buscaron resposta nesta narrativa.
Cabe sinalar como elementos máis destacables o traballo de construción dunha pirámide os primeiros días de narrativa e a aplicación práctica dos coñecementos adquiridos nas distintas áreas para a elaboración dun «escape room» que se levou a cabo na tarde do martes 3 de marzo.
Todas as materias tiveron como fío condutor o mundo exipcio para ir incorporando novas aprendizaxes que foron desde investigacións forenses, ata a representación gráfica dos deuses exipcios, pasando por conceptos de arquitectura exipcia, o seu alfabeto, os textos prescritivos, a estatística, o uso dos metais no antigo Exipto…
Todas as materias avanzaron conxuntamente na narrativa, que tivo o seu punto final cunha titoría centrada no feminismo e nos dereitos humanos, facendo unha análise dos mesmos desde a época exipcio e a súa evolución ata a actualidade.