Moita diversión… e moitos disfraces realmente espeluznantes. Ese é o mellor resumo da convivencia das familias deste trimestre que se celebrou onte pola tarde no colexio. A comunidade educativa do cole: alumnado, familias, profes e Irmáns pasou unha tarde «de medo». Co Samaín chamando á porta, os corredores enchéronse de música, moitas familias, disfraces realmente orixinais e terroríficos, xogos de mesa, bingo, un concurso de tartas, obradoiro de baile, xogos deportivos, un túnel do terror…
O premio do concurso de disfraces foi para a familia de Sara e Nicolás Medín Álvarez de 3º e 6º EP respectivamente
Para o reñidísimo concurso de tartas, que tivo una amplísima participación, o xurado tivo que dar o mellor de si mesmo, e concederon os seguintes premios:
1º premio: Martina López Mariño (6º EP)
2º premio: Diego González García (5º EP)
Parabéns aos gañadores e todos os participantes!
Como aperitivo para a convivencia da tarde, pola mañá xa apareceron os primeiros disfraces e diferentes actividades relacionadas co Samaín que anticipaban o éxito da convocatoria para a tarde. Na galería de fotos poderedes ver os estilismos máis terroríficos.
Houbo todo un repertorio de actividades para este día, para aproveitar que estamos chegando a Samaín e que, aínda que vai chegando o inverno pouco a pouco, a calor humana da comunidade educativa de La Salle énchenos de orgullo a todos os que formamos colexio.
Moitas grazas, familias, pola vosa participación! Esperamos que teñades gozado da mesma e vémonos na seguinte!