Para conmemorar a Semana da Biblioteca Escolar, na semana do 20 ao 24 de outubro estívose facendo un «Bingo lector» durante os recreos. Para poder levalo a cabo, contouse coa axuda do alumnado voluntariado da biblioteca que colaborou na realización e animación desta actividade.
Foi unha actividade moi divertida e tivo un público moi entregado, que cantou liñas e bingos, superando probas literarias e gañando premios mentres pasaban un recreo divertido e diferente.